Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 6 de febreru. 2022 21:13

El Colexu de Veterinarios d'Asturies pide que la vacuna de la rabia seya obligatoria

Un veterinario poniéndole una vacuna a un perro
El Colexu de Veterinarios d'Asturies pide que la vacuna de la rabia seya obligatoria

El colectivu tamién pide un amenorgamientu del IVA nos gastos veterinarios

El Colexu de Veterinarios d'Asturies pide que la vacuna de la rabia seya obligatoria. Asturies ye una de les cuatro comunidaes autónomes españoles que nun recueye esa inmunización pa les mascotes y yá se tán rexistrando casos de rabia, pol tráficu illegal de perros veníos de países del Este. Piden que la vacuna se plantegue como obligatoria nel proyectu de llei de bienestar animal que se ta tramitando a nivel nacional.

Mesmes vacunes pa tolos perros que viven n'España. Ye lo que piden dende'l Colexu de veterinarios d'Asturies, una de les poques comunidaes, xunto con Galicia, País Vascu y Cataluña, na que la de la rabia nun ye obligatoria.

Sobre manera cuando se tán dando casos de rabia nel nuesu país. El postreru, en Melilla en 2020, pol tráficu illegal de perros criaos nel Este d'Europa, según los veterinarios.

Por ello, piden qu'esa obligación seya incluyida na llei de bienestar animal que se ta tramitando. De cara a esa nueva norma, faen otra reclamación: que'l microchip d'identificación qu'anguaño s'esixe n'España solo a los perros, s'amplíe a gatos y furones.

Tamién piden un amenorgamientu del IVA nos gastos veterinarios. Ye inxusto, diz esti colectivu, que se grave a los que quieren tener sanes y en regla a les sos mascotes.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL