El Conseyu de Gobiernu de la Universidá d’Uviéu aprobó los sos presupuestos pal añu qu’entra. Medren a 242 millones d’euros, 15 más que l’actual gracies a la medría en 12 millones del apurrimientu del Principáu.
El restu de la medría esplícase por mayores ingresos d’investigación, apurrimientos esternos y creación de nueves cátedres.
L’equipu rectoral amosó la so esmolición pola falta d’homoxeneidá de les pruebes EBAU ente comunidaes y les torgues pa evaluar al alumnáu que plantea la nueva llei educativa, la Lomloe. Poro, valoren que se retrasare’l so inxerimientu.
Les Medayes d’Oru reconocen un serviciu relevante a la Universidá d’Uviéu
El Conseyu de Gobiernu de la Universidá tamién aprobó la propuesta de conceder Medayes d’Oru de la institución a los ex-rectores Juan Vázquez, Vicente Gotor y Santiago García Granda. Y a los ex-presidentes del Conseyu Social Alicia Castro Masaveu y Ladislao Azcona.
Tamién se darán a los profesores Ana Isabel Fernández, Carlos López-Otín, Julio Bobes y Luis Fernández Vega.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL