El Gobiernu del Principáu decreta’l pieslle perimetral d’Asturies

Toque de queda nel Principáu dende les 00:00 a les 06:00

El Gobiernu del Principáu decretó’l pieslle perimetral de tola comunidá autónoma dende la medianueche del martes al miércoles, anunció’l presidente autonómicu, Adrián Barbón, dempués de presidir una nueva xunta del comité de crisis del COVID-19.

El Principáu, que s’amestará asina a Navarra, La Rioja y Aragón, yá decretó’l vienres pasáu’l pieslle perimetral de les tres principales ciudaes de la comunidá, Uviéu, Xixón y Avilés, que se caltendrá igualmente.

Barbón, que xustificó esta midida drástica pola necesidá de frenar la curva de contaxu y de "salvar vides" amestó que’l toque de queda sedrá n’Asturies de 00:00 a 6:00 hores pa facilitar el cumplimientu del horariu pa la hostelería, que dende esti fin de selmana tien que zarrar a les 23:00 hores.