Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 21 de xineru. 2021 22:40

El Gobiernu espera cerrar la próxima selmana'l fondu de 100 millones

El vicepresidente del Principado, Juan Cofiño
El Gobiernu espera cerrar la próxima selmana'l fondu de 100 millones

Diz Cofiño que la idea del Principáu ye escosar nel primer semestre'l fondu

El Gobiernu espera cerrar la selmana que vien colos grupos que sofitaron los presupuestos rexonales el fondu de 100 millones d'euros contempláu nes cuentes pa compensaciones a los sectores económicos afectaos pola pandemia.

El vicepresidente del Principáu, Juan Cofiño, esplicó qu'esta mañana, l'Executivu axuntó colos grupos políticos, a los que se-yos presentó la propuesta. Cofiño fala de sentir positivu tres la xunta.

El borrador contempla les propuestes de los distintos grupos, como l'ampliación de sectores que van poder recibir les ayudes.

Diz Cofiño que la idea del Principáu ye escosar nel primer semestre'l fondu de los 100 millones. Van ser ayudes directes que van llegar cuanto enantes. Los grupos piden celeridá.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL