El Grau de Deporte va necesitar un 11,5 y el de Criminoloxía, un 12

El doble grau de Matemátiques y Inxeniería Informática de Software, la nota de corte más alta

El doble grau de Matemátiques y Inxeniería Informática de Software va ser el que necesite mayor nota de corte'l próximu cursu. La Universidá d'Uviéu acaba d'espublizar la primer llista d'almitíos y esti doble grau ta no más alto de la llista con un 13,5.

Percima del 13 tán tamién el doble grau d'Informática en Tecnoloxíes de la Información y Ciencia y Inxeniería de datos, el doble grau de Matemátiques y Física, y les titulaciones de Medicina y Odontoloxía.

Los nuevos graos pal próximu cursos tienen tamién notes altes. Criminoloxía percima del 12, el doble grau de Criminoloxía y Derechu cuasi, y el grau de Ciencies de l'Actividá Física y el Deporte, llega al 11,5.

Les llistes espublizaes agora son provisionales porque los estudiantes tienen de formalizar la so matrícula hasta'l 21 de xunetu. El 23 de xunetu espublizaráse la segunda llista d'almitíos y el 30 de xunetu la tercera. Inclusive, en carreres como Medicina, salen nueves llistes d'axudicaciones cuando yá empezó'l cursu.

Los graos coles notes de corte más baxes, de cinco, son Educación Social, Xeografía y Xeoloxía.