El Llaboratoriu Biomiméticu de Llaíñes avéranos a sociedaes ecolóxiques

La sociedá necesita reconectar cola natura y entender el so potencial

La sociedá necesita reconectar cola natura y entender el so potencial. Con esi propósitu y nuna redolada como'l Parque Natural de Redes surde'l Llaboratoriu Biomiméticu en Llaíñes, Sobrescobiu.

Un proyectu puestu en marcha por una arquiteuta y un diseñador gráficu.

Yá na mesa del llaboratoriu, del amiestu de residuos y aglutinantes naturales, un procesu d'ensugáu y color, resulten llámpares. De café o'l pulgu de plátanu, cerámica y testil.

Les sos llinies d'investigación tamién s'afiten nes estructures y formes de los organismos p'aplicalos en diseños de productu.

La parte docente del proyectu contempla'l Summerlab Biodesing, collaboraciones en museos y instituciones o la escuela de biodiseñu. Un llugar onde averen la natura a neños, docentes y families como inventores y diseñadores del futuru.

Too ello suponen pasos hacia sociedaes ecolóxiques.

Nel Llaboratoriu Biomiméticu, Marlen y Manuel lleven manes a la obra dende 2021.