L'alcaldesa confirma que Fomentu propón cambeos nel proyectu previstu pa la finalización del metrotrén

La oposición acusa d'opacidá al gobiernu municipal

L'alcaldesa de Xixón, Ana González, confirma que'l Ministeriu de Fomentu propón cambeos nel proyectu previstu pa la finalización del metrotrén.

El primeru de los cambeos tien que ver col sustratu xeolóxicu sol que se llevantaría la estación del metrotrén na Plaza d'Europa.

L'alternativa sedría mover dellos cientos de metros la estación en dirección a Begoña p'atopar un sustrato rocosu.

El segundu cambéu tendría que ver con cómo se construyen los más de 2 kilómetros de túnel qu'entá queden pa que'l metrotrén llegue a Cabueñes.

L'usu d'una tuneladora refúgase pol altu costu y apuéstase pol métodu de trinchera, esto ye, a cielu abiertu.

La oposición va llevar al plenu una moción na que s'esixe información al gobiernu municipal al respective d'estos cambeos.