El Monesteriu de Curniana, el que peor ta de los cinco qu'amenacen ruina n'Asturies

Trabayu fechu pola Asociación de Profesionales Independientes d'Arqueoloxía

Cinco de los 31 monesterios catalogaos n'Asturies ente'l sieglu XI y la segunda metá del sieglu XIX amenacen ruina.

El de Curniana ye'l que peor ta, según les conclusiones del trabayu fechu pola Asociación de Profesionales Independientes d'Arqueoloxía d'Asturies que se dio a conocer en Salas onde se celebra un cursu d'Estensión Universitaria centráu na investigación histórico-arqueolóxica d'estos edificios.

L'Estáu dio una inversión de 1,6 millones d'euros pa la rehabilitación del Monesteriu de Curniana.