El Palaciu Revillaxixéu de Xixón acueye hasta'l 30 de xunu 'Yo fui a EGB, la Expo'

Una oportunidá única de ver oxetos y revivir sensaciones d'aquella dómina

Viaxe al pasáu nel Palaciu Revillaxixéu de Xixón dende mañana y hasta'l 30 de xunu, al traviés d'una esposición pa toles edaes centrada naquella realidá onde la tele diba a la carta d'axuste dempués de que la familia Telerín nos convidara a dir pa la cama.

Iker González, codirector de la Metrópoli, ye'l productor de 'Yo fui a EGB, La Expo', onde puen vese televisiones con namás dos canales qu'había que llevantase a cambiar; los mandos a distancia y munches coses más d'una dómina, en que los móviles, Internet o los patinos eléctricos yeren coses de la ficción cinematográfica.

Va nueve años, dos blogueros profesionales xubieron el perfil en Facebook 'Yo tamién fui a EGB' y sumaron tantos siguidores, que ye yá tou un movimientu social de señardosos d'una dómina qu'axunta alcordances dende 1970 al 1995.

Agora les alcordances adopten forma física y tresfórmense nuna esposición que bien podría catalogase de muséu y que se fai per primer vegada n'España.

Una oportunidá pa que padres y güelos revivan un cientu de situaciones cotidianes y una ocasión única p'amosar a los más pequeños cómo vivieron la so infancia.