El Principáu da anuncia l'ampliación d'horarios y aforos

La hostelería ampliará'l so horariu hasta la 1:00 de la madrugada dende'l 9 de mayu

El Gobiernu del Principáu acordó l’ampliación del horariu de la hostelería, tanto dientro como fuera, hasta la 1:00 de la madrugada dende’l domingu qu’entra, 9 de mayu, cuando acabará l’estáu d’alarma, anque se caltendrá’l pieslle de les barres.

En rueda de prensa, el presidente del Principáu, Adrián Barbón, consideró qu’esta "suavización" dexará la recuperación de l’actividá dempués de "un periodu mui difícil pal sector", qu’enagora tien llendáu l’horariu a les 21:00 dientro y a les 23:00 fuera.

L’ampliación del horariu de la hostelería entrará en vigor el 9 de mayu, cuando acabará l’estáu d’alarma y poro, el toque de queda y tamién el pieslle perimetral de la comunidá.

Amás, el Gobiernu del Principáu acordó, yá dende'l xueves viniente, 6 de mayu, l’ampliación de la llende máxima de persones nes meses de dientro de los locales d’hostelería de cuatro a seis, como yá s’afitare nes terraces.

Como s’avanzó, el Gobiernu del Principáu tamién adaptó’l modelu de restricciones por conceyos, denomáu 4+, que dende agora podrá aplicase a pueblos y inclusive a barrios en función de la situación epidemiolóxica y de les situaciones de riesgu que se detecten.