El Principáu d'Asturies esparde la mayor publicación de datos cartográficos hasta la fecha

N'internet puen consultase más de 15.000 referencies acotaes n'espacios de cinco kilómetros

El Principáu d’Asturies asoleyó la mayor publicación de datos cartográficos hasta la fecha. Dende internet puen consultase más de 15.000 referencies acotaes n’espacios de cinco kilómetros. Referencies d’especies como l’osu o’l robezu.

Tien aplicaciones práctiques, por exemplu nos estudios d’impactu ambiental, pa planiamientos urbanísticos, pa fines educativos o inclusive pa escursionistes que tean interesaos en delles especies y podrán asina veles nel visor.

El Serviciu de Vida Silvestre recopiló una serie d’estudios que convierte los datos en datos espaciales. Non solo onde tán les diferentes especies, sinón cómo se distribuyen nel territoriu. Recopílense datos de dos décades, por exemplu, el censu de delles especies. 15.000 referencies, el retu agora ye actualizar la información.

Ún de los aspectos más interesantes ye’l de poder cruzar información, por exemplu, rellacionar especies de fauna con vexetación o xeoloxía.

El mapa, el visor, pue consultase na web del Sistema d’Información Territorial y Infraestructures de Datos Espaciales d’Asturies (Sitpa).​