El Principáu va promover dos nueves lleis en materia de política industrial

Fernández cree que'l refugu de CCOO al plan rexonal 'debilita' a la industria

El conseyeru d'Industria, Empléu y Promoción Económica, Enrique Fernández, afirmó güei que "nun ye una bona noticia" la decisión de CCOO de desvenceyase de la Estratexa Industrial d'Asturies 2030 tres collaborar y incorporar les sos propuestes nos últimos meses, anque confió en que finalmente puea sumase porque "esti tipu de desalcuerdos debiliten a la industria".

Asina lo dixo esti xueves nuna comparecencia en comisión de la Xunta Xeneral pa presentar esti plan rexonal, onde dixo que'l sindicatu tien "la mano tendida y les puertes abiertes" por parte del Principáu pa poder sumase.

El conseyeru aseguró que'l documentu va ayudar a reforzar el "atractivu" d'Asturies como un llugar d'inversiones y a fomentar la internacionalización de les empreses.