Radiotelevisión del Principáu d'Asturies Radiotelevisión del Principado de Asturias

Buscar

Síguenos en

Radiotelevisión del Principado de Asturias

Webcams Buscar

Noticies n'asturianu

Escuchar

Fuente: RTPA, 18 de abril. 2019 21:08

El Principáu urxe l'aprobación del decretu de regulación de los xuegos en llinia y públicos

En castellano

El Principado urge la aprobación del decreto de regulación de los juegos en línea y públicos

Interior sostién que'l xuegu presencial n'Asturies ye'l más reguláu del país

El Principáu demanda l'aprobación inmediata del decretu del Ministeriu de Facienda que tien que regular los xuegos on line y los xuegos públicos, qu'incluyen, por exemplu, a la ONCE o a los dependientes de Lloteríes y Apuestes del Estáu. Ehí ye onde la dirección xeneral d'Interior del Gobiernu rexonal asitia'l verdaderu problema del sector y non nel xuegu presencial que, asegura, n'Asturies ta controláu dafechu.

El Principáu asitia'l verdaderu problema del sector del xuegu na falta de regulación de los xuegos on-line y de los xuegos públicos. Dende la dirección xeneral d'Interior llamenten que se ponga'l focu sobro l'apertura de sales de xuegu n'Asturies y nun se tenga en cuenta, por casu, qu'un equipu como'l Sporting lleve publicidá d'una casa d'apuestes. Sobro esta cuestión yá pidieron un informe al Ministeriu de Facienda.

La directora xeneral d'Interior, Pilar Alonso, sostién que'l sector del xuegu n'Asturies ye'l más reguláu de tol país, mientres que la llexislación ye muncho más sele sobro los xuegos dependientes de Lloteríes y Apuestes del Estáu o la ONCE.

El Gobiernu trabaya na ellaboración d'una normativa del xuegu que tien que buscar l'equilibriu ente nun afectar de manera negativa al sector y al empar garantizar los derechos de los más vulnerables. La regulación va rematar na próxima llexislatura y va tener en cuenta elementos como'l númberu d'habitantes, la distribución y la distancia ente les cases de xuegu a la d'autorizar nueves apertures.

El sector del xuegu, sostién Alonso, da trabayu a 1.300 persones n'Asturies, paga los sos impuestos y ta controláu pola alministración pública y con un siguimientu rigurosu y continuu por parte de los cinco policíes nacionales del grupu d'Inspección del Principáu.

Comparte esta noticia