El Principáu xube la ufierta a los funcionarios de Xusticia hasta los 140 euros

Los sindicatos tán dispuestos a aceptar la meyora

El Principáu xube la ufierta a los funcionarios de Xusticia hasta los 140 euros de complementu en 14 pagues y nos próximos tres años. Asina en 2018 la xuba va ser de 95 euros y depués 25 euros más en 2019 hasta llegar a los 140 en 2020.

Anque los sindicatos pidíen una xuba de 150 euros, si mañana esa propuesta se tresllada per escrito, como se plantegó güei, va sometese a la votación de los funcionarios la próxima selmana. Pa ello va ser necesario aplazar la fuelga indefinida prevista pal llunes.

Los sindicatos llamenten que la negociación fuera tensa, sobre manera pola actitú que caltuvo'l Director xeneral de Función pública.

Los sindicatos tamién reclamen que se creen comisiones de negociación pa otros problemes de la Xusticia asturiana.