La Ponte Quinzanas queda ensin la 'Fiesta del Regresu del Salmón'

Protesten polos retayos que sufre la pesca tradicional y social

L'empiezu de la temporada de pesca ensin muerte del salmón, el próximu domingu, entama con división ente los aficionaos. La Ponte Quinzanas queda ensin la sesta edición de la 'Fiesta del Regresu del Salmón'.

La razón de la so cancelación, espliquen los sos organizadores, ye evitar la coincidencia cola manifestación que la Unión de Pescadores Tradicionales d'Asturies va facer esi mesmu día, a partir de les 12:30.

Dende UPTA, colectivu creáu fai menos d'un añu y con unos 250 miembros, refuguen la busca de discutiniu con esta concentración que va percorrer l'área recreativa de La Ponte Quinzanas.

Protesten polos retayos que sufre nos últimos años la pesca tradicional y social, como la política de cupos. Critiquen l'agraviu comparativu que supón l'empiezu, un mes enantes de la temporada ensin muerte.

Amás, defenden la estabilidá de les poblaciones y apuesten pola restauración ambiental de los ríos.

Visiones antagóniques sobre una de les nueses más antigües tradiciones.