El Real Sitiu peracaba los preparativos pa la visita de la Familia Real

Van presidir los actos del triple centenariu que coinciden col Día d'Asturies

Mañana intensa d'actividá en Cuadonga pa que too tea llisto pa la histórica xornada que se va vivir mañana, la festividá de Nuestra Señora de Cuadonga y el Día d'Asturies.

Tamién se va a celebrar el triple centenariu: el de la coronación canónica de la Santina, el del Parque Nacional y los 1.300 años del Reinu d'Asturies.

Van ser unos actos presidíos pola Familia Real que va llegar alredor de les 11:00 al Santuariu pa entamar la visita na Santa Cueva.

De siguío, a les 12:00, asisitirán a la santa misa n'honor de la Virxe de Cuadonga que va presidir l'arzobispu d'Uviéu y que va cantar la Escolanía de Cuadonga.

Tres la misa van facer un percorríu pela esplanada y van averase hasta'l muséu pa visitar la esposición 'La imaxe d'un reinu' dedicada a la monarquía asturiana.

La mañana va concluyir con un aperitivu nel Gran Hotel Pelayo de Cuadonga unes hores enantes de que yá pela tarde les sos maxestaes y les sos fíes vayan hasta la zona de Los Llagos pa inaugurar el Mirador de la Princesa.

Los accesos al Real Sitiu van quedar cortaos al altor de la rotonda d'El Repelao dende les 21:00 de güei y hasta les 20:00 del domingu, día nel que Los Llagos volverán ser final d'una etapa de la Vuelta Ciclista a España.