L'aeropuertu asturianu medra hasta rozar el millón y mediu de pasaxeros en 2022

Un total de 106.405 pasaxeros estranxeros y 1.343.532 viaxeros nacionales pasaron pela infraestructura

L’Aeropuertu d’Asturies superó’l tráficu rexistráu en 2019 y rozó’l millón y mediu de pasaxeros l’exerciciu pasáu, según el balance qu’ufiertó esti martes Aena, que tamién destacó’l datu de que la terminal algamó’l meyor avientu de la so historia con cerca de 140.000 viaxeros.

En concreto, l’eródromu asturianu zarró 2022 con un total de 1.454.763 pasaxeros, una cifra que supón una medría d’un 2,6% del total añal de 2019 y qu’afita la recuperación del tráficu na infraestructura asturiana, según l’ente públicu.

El balance del añu 2022 dexa datos positivos na terminal aérea que, de siguío dende’l mes de mayu, afitó una tendencia al alza y superó los rexistros de tráficu de los años enantes de la crisis sanitaria.