Los pastos mengua la producción del ganáu

El pastu tamién se ven afectaos pola seca​

Los ganaderos asturianos aseguren que la calor d’esti branu ta afectando a los animales. Les esplotaciones ganaderes tán invirtiendo en ventiladores y ye que la medría de les temperatures mengua la producción de lleche en 4 llitros por vaca al día. Nel monte, el principal problema ye la falta de pastu pola seca.

Va cuatro años qu’una ganadería de Corvera instaló ventiladores que s’activen cuando la temperatura supera los 23 graos. La calor afecta a los animales, menguando la so producción de lleche.

Los branos cálidos y la falta de lluvia influyen amás na medría del forraxe, base de l’alimentación del ganáu de lleche y carne. Los ganaderos tán teniendo qu’usar yá lo que tienen guardao pa les selmanes vinientes.

N’otra ganadería de carne ecolóxico de Mieres, los 60 animales entá tán nel monte de Lleón, pastiando. Esperen calteneles ellí lo máximo posible, pero tamién noten los efectos de la calor.

Los ganaderos tán segando tolo que puen p’almacenar pal iviernu, pero la seca, dicen, ye bultable. A ello amiéstase que, cola calor, los animales tán más cansaos y sufren estrés.