El decanu del Colexu d’Abogaos d’Uviéu cree que fai falta que la xusticia entame a recuperar la normalidá

Baráxense ayudes de 1.000 euros pa los colexaos que nun puean pagar

El decanu del Colexu d’Abogaos d’Uviéu cree que fai falta que la xusticia entame a recuperar la normalidá, cola notificación de resoluciones. Ye la manera, diz, d’evitar un atascu pal ciudadanu nel futuru.

El decanu del colexu confía en que s’algame l’alcuerdu, qu’hasta agora faltó, nel plan de choque pa desatascar la xusticia.

Enagora, el 20% de los lletraos asturianos, asegura, ta desbordáu con material fiscal o social, sobre manera colos ERTE. Poro, considera inxusto que se tea planteando que seya hábil el mes d’agostu.

Dende’l decanatu punxeron en marcha un plan d’ayudes pa los sos colexaos. Baráxense ayudes de 1.000 euros pa los que nun puean pagar.

Estudien tamién pidir al Principáu una ayuda asemeyada a la que s’aprobó pa los autónomos.