L'edificiu principal del Campus Universitariu d'El Milán cumplirá 120 años en 2024

L'equipamientu foi sede del Seminariu, cuartel del reximientu y agora Campus d'Humanidaes

Conoceremos n'Uviéu un edificiu que l'añu qu'entra cumplirá 120 años d'historia na ciudá, l'edificiu principal del Campus Universitariu d'El Milán. Foi la sede del Seminariu, cuartel del reximientu Príncipe númberu 3 y agora Campus d'Humanidaes.

L'edificiu inauguróse en 1904 como sede del Seminariu Conciliar de la diócesis. Foi un encargu del obispu Ramón Martínez Vigil.

En 1921 vendióse al Exércitu español y convirtióse nel nomáu 'Cuartel de Pelayo', el cuartel del reximientu. Equí llegaron a convivir seminaristes y militares hasta 1985. Foi l'usu que más años tuvo esti edificiu. Tenía cuasi 600 cames.

A finales de los años 80 materializóse la cesión del recintu militar a la Universidá d'Uviéu pa crear el Campus d'Humanidaes. Tiraron les muries y inxertóse cola ciudá. El campus entró en funcionamientu va 30 años.

Agora l'edificiu principal ye’l nomáu departamental, onde tán los despachos de los diferentes departamentos y aules de máster.