El fiscal pide una rebaxa nes penes poles semeyes desnudes de los xugadores del Grisú

La defensa centróse nos supuestos trestornos mentales del ex-entrenador

El fiscal pidió una rebaxa sustancial de la pena inicial que llegaba a 29 los años de cárcel pal ex-entrenador del Grisú, por un delitu siguíu de vulneración de la intimidá, tres delitos d'usu de menores y otru de captación de menores, dambos con fines pornográficos, amás de posesión de material de pornografía infantil. Tien en cuenta la confesión, l'arreglu del dañu y supuestos trestornos mentales.

Tamién pidió una rebaxa sustancial pa la so ex-novia, polos atenuantes de confesión y reparación. El pidimientu inicial pa ella yera de siete años y mediu de prisión.

Amás del fiscal, intervinieron güei nel xuiciu los dos acusaos, xugadores, un axente de la Guardia Civil y una psiquiatra. Sobre los supuestos trestornos mentales del acusáu, centráronse les alegaciones de la defensa.

Los fechos remóntense a 2016, cuando l'acusáu pidió a la so pareya, xugadora del Grisú Femenín que-y facilitara fotografíes de les sos compañeres mientres se cambiaben nel vestuariu. En total, llegó a fotografiar a 13 xugadores, una d'elles menor d'edá.