L'ociu nocherniegu va recibir ayudes d'ente 25.000 y 35.000 euros por negociu

El Principáu aprobó un creitu de 10,2 millones que va dexar llanzar les ayudes

El Gobiernu del Principáu aprobó esti vienres un creitu de 10,2 millones que va dexar llanzar les ayudes del fondu COVID pal ociu nocherniegu, que va recibir ente 25.000 y 35.000 euros por negociu.

Esti creitu de 10,2 millones de euros -cantidá que forma parte del fondu de 100 millones incluyíu nel presupuestu autonómicu p'ayudar a los sectores más afectaos pola crisis sanitaria de la covid-, va poder ser ampliáu en casu de necesidá, según informó l'Executivu tres la xunta del Conseyu de Gobiernu.

Tres esti cambéu presupuestariu, el Gobiernu asturianu va aprobar la convocatoria de les ayudes, con aportaciones que van tar ente los 25.000 y los 35.000 euros por negociu y que previsiblemente van beneficiar a unos 400 establecimientos.