El pequeñu comerciu reabrirá dende’l miércoles

Adrián Barbón: La situación sigue "siendo crítica, pero meyor" que la de va dos selmanes

Tolos comercios de menos de 300 metros cuadraos volverán a abrir n’Asturies dende’l miércoles, 25 de payares, 22 díes dempués de zarrase pa tratar de parara l’espardimientu del coronavirus nel Principáu.

Los servicios y comercios consideraos non esenciales, que como la hostelería y les clases presenciales de la Universidá siguen zarraes dende’l 4 de payares, reabrirán asina parcialmente por mor de la evolución positiva que se rexistró na última selmana en cuantes al númberu de contaxos

La decisión tomóse dempués d’aconceyar el comité de crisis del Covid-19 que presidió güei de forma telemática’l xefe del Executivu asturianu, Adrián Barbón, que reconoció nuna rueda de prensa de darréu que la situación sigue "siendo crítica, pero meyor" que la de va dos selmanes porque se baxó de 505 contaxos diarios que se daben de media daquella, a 330 nos últimos siete díes.

Xunto a la reapertura del pequeñu comerciu, Barbón dio anuncia de que los mercaos al aire llibre podrán tamién celebrase dende’l miércoles ensin restricciones de puestos.