El proyectu de reapertura del centru comercial del edificiu Calatrava ta paralizáu

La idea inicial de compaxinar tiendes con un centru d’ociu descartóse

El proyectu de reapertura del centru comercial del edificiu Calatrava d’Uviéu ta paralizáu. Asina lo confirma a TPA Noticies la empresa propietaria, que zarró’l complexu va un añu.

Según fontes consultaes, la idea inicial de compaxinar tiendes con un centru d’ociu descartóse.

L’Ayuntamientu tien conversaciones pa intentar que’l complexu vuelva a tener actividá.

Los vecinos, son más pesimistes y planteguen otres opciones como la ciudá de la xusticia. Una alternativa que pasaría pola compra de les instalaciones pol Principáu.

Otra idea ye que lu compre l’Ayuntamientu pa utilizar esos metros zarraos como espaciu espositivu del Palaciu de Congresos.

Propuestes vecinales pa dar salida a miles de metros en desusu que puen reactivar dos barrios uvieínos mui estrozaos dempués de la marcha del antiguu hospital.