Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 1 de xunetu. 2019 21:30

El proyectu del Chao Samartín revisaráse énte les quexes de los restauradores

Chao Samartín
El proyectu del Chao Samartín revisaráse énte les quexes de los restauradores

Genaro Alonso: "Naide quier estropiar un yacimientu d’esta categoría"

El conseyeru d’Educación y Cultura en funciones, Genaro Alonso, dio anuncia güei de que’l so departamentu estudiará "en detalle" los argumentos de l’Asociación de Restauradores d’España, que pidió la retirada de fondos al proyectu de remocique del Chao Samartín, asegurando que "si hai que revisar aspectos pa meyoralu naide tará a la escontra".

En declaraciones a los periodistes na presentación del Premiu Ayudes Dualiza 2019, Alonso señaló que’l so departamentu taba "convencíu" de qu’esi proyectu daría solución a lo que se pretende, afitar y restaurar el Chao Samartín.

Sobre esti asuntu, solliñó que "naide quier estropiar un yacimientu d’esta categoría", defendiendo que’l propósitu de la so conseyería ye "facelo bien".

Sicasí, faló del pidimientu de retirada de financiación, apuntando qu’Asturies nun pue permitise "el lluxu de perdela", poro, tratará de revisar el proyectu calteniendo los fondos daos.

Poro, esplicó qu’estudiará les alegaciones enantes de tomar una decisión, col únicu oxetivu de facer "lo meyor pal Chao Samartín y el so futuru".

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL