El rector de la Universidá d'Uviéu señala "intereses electoralistes" na polémica de Canteli con Mines

L'aplicación de la LOSU supondrá una "desventaya" p'Asturies según Villaverde

El rector de la Universidá d’Uviéu, Ignacio Villaverde, afirmó esti xueves que ve "intereses electoralistes" na polémica que tien l’alcalde d’Uviéu, Alfredo Canteli, en rellación col treslláu de la Escuela d’Inxeniería de Mines a la Escuela Politécnica de Mieres.

Nuna rueda de prensa dempués de la xunta del Conseyu de Gobiernu de la institución académica, Villaverde solliñó que ye una polémica estéril, porque na xunta viniente del Conseyu de Universidaes, que se celebrará’l 16 de febreru, quedará definitivamente resueltu de forma oficial esti treslláu.

En rellación a les acusaciones de llatrociniu pronunciaes por Canteli escontra’l rector, Villaverde dixo que sedría bono que dalguién-y esplicare al alcalde los términos llegales, porque ta claro que "desconoz el Derechu".