El rector electu de la Universidá d'Uviéu quier sacar tol partíu a les tecnoloxíes

Villaverde llogra un 52,5% de votos frente a los 47,5% de García Granda

Ignacio Villaverde, el rector electu de la universidá d'Uviéu espera empezar el so mandatu a principios de marzu. Tres la victoria d'ayeri frente a Santiago García Granda, Villaverde quier restar burocracia a la Universidá y afondar nes enseñances que dexa la pandemia, como sacar tol partíu a les tecnoloxíes. Tamién quier despidise con agradecimientu del equipu saliente.

Llega cola enerxía de quien superó una carrera de resistencia. El rector electu esperará unos díes hasta que se confirme'l so nuevu puestu y empezar, raspiando la primavera'l so mandatu.

Al so equipu pidirá-y sacar les enseñances que dexó, que ta dexando la pandemia. Cree que la Universidá tuvo al altor, pero que se necesita dir más allá.

Ente otru aspeutos, los sos güeyos tamién tán puestos na necesidá de dar puxu a la igualdá de xéneru en tolos ámbitos.

Si too sigue'l mecanismu previstu, la xunta electoral va proclamar en firme la so victoria'l xueves 18. A partir d'ehí, va entamar la so nueva propuesta pa la universidá asturiana.

Villaverde llogra un 52,5% de votos frente a los 47,5% de García Granda

El rector electu ganó ente'l personal docente y investigador con vinculación permanente, ente l'alumnáu y el personal d'alministración y servicios.

El rector en funciones llogró más votos ente'l profesoráu y alumnáu de la Escuela Politécnica d'Inxeniería y la Facultá Xovellanos en Xixón, nel campus Xixón Viesques y estudiantes de la Facultá de Químiques.

El nuevu rector ganó ente los estudiantes de Derechu, Filosofía, Económiques o Bioloxía.