L'anováu Comité Asesor de Vacunes del Principáu echa a andar con dimisiones

El comité ta compuestu por 16 miembros

L’anováu Comité Asesor de Vacunes del Principáu echa a andar cola dimisión de parte de los sos miembros. Ye una noticia qu’adelantó ayeri TPA Noticies. D’esti órganu consultivu forma parte la Conseyería de Salú y profesionales sanitarios.

Les dimisiones de miembros del Comité Asesor de Vacunes del Principáu fueron na primer xunta d’esti órganu dempués de la so anovación el mes d’agostu pasáu. Nómense pa cuatro años. Renunciaron, anque sedrán sustituyíos, representantes de delles sociedaes médiques, ente otros.

Ye un órganu consultivu y d’asesoramientu técnicu p’ayudar a la Conseyería a afitar estratexes y condiciones d’utilización de les vacunes.

Son 16 los miembros, en representación del Sespa, de la Dirección Xeneral de Salú Pública y d’asociaciones y sociedaes médiques. Tamién hai un representante de la Universidá d’Uviéu, otru del Institutu de Prevención de Riesgos Llaborales y tres espertos en vacunoloxía a los que noma’l Serviciu de Salú del Principáu.