El salariu mínimu interprofesional n'Asturies tendría qu'algamar los 1.011 euros

Patronal y sindicatos difieren nel impactu qu'esta xuba tendría na economía

El salariu mínimu interprofesional n'Asturies tendría qu'algamar los 1.011 euros, según l'encamientu de la Carta Social Europea. La cifra equival al 60% del salariu mediu asturianu qu'en 2017, últimu rexistru del INE, asitióse en 23.609 euros. Ye'l quintu salariu mediu más altu del país, solo per detrás de País Vascu, Madrid, Navarra y Cataluña.

Son los últimos datos recoyíos pol INE. Si aplicamos l'encamientu européu, el salariu mínimu interprofesional n'Asturies medraría en 61 euros, que se sumaría a la xuba de 950 euros al mes, aprobada esti martes en Conseyu de Ministros.

Patronal y sindicatos difieren nel impactu qu'esta xuba tendría na economía, pero coindiden en que les medríes del Salariu Mínimu Interprofesional tienen que facese sobro'l salariu mediu nacional y non por comunidaes, porque na práctica, supondría devaluar el trabayu nes rexones que superen el salariu mediu.