El texu de Montoubu, en Miranda, cumple güei 300 años

Una celebración íntima pa recordar vivencies a la so solombra

El texu de Montoubu, en Miranda, cumple güei 300 años. Los vecinos del pueblu quixeron descubrir una placa pol so aniversariu, nuna ceremonia íntima. Un actu simbólicu que valió pa recordar abondes vivencies a la solombra d’esi árbol.

El 20 de febreru de 1721, el sacerdote Domingo de Alba de la Vega, mandó llantar esti texu. Ye un árbol singular, porque ye de los pocos de los que se conoz la fecha de cuándo se llantó.

Por mor del so aniversariu, los vecinos de Montoubu quixeron poner una placa conmemorativa. Esti actu simbólicu valió, amás, pa recordar abondes vivencies a la solombra d’esti árbol, que se conserva en perfectu estáu y yá algamó los cuatro metros de perímetru.

El texu, esi árbol solitariu que nun forma viesques, güei tuvo en Montoubu mui bien acompañáu.