Entidaes ecoloxistes y sociales sofiten a los acusaos por cortar los accesos n'Arcelor

En castellano: Entidades ecologistas y sociales apoyan a los acusados por cortar los accesos en Arcelor

Ver la transcripción del vídeo de esta noticia Momento actual

0:01Esto se trata de
0:03un despropósito total.
0:04Fue una acción totalmente simbólica
0:06y pacífica
0:08en la que evidentemente no
0:10utilizamos la violencia ni
0:12ni mucho menos.
0:14Entonces, bueno, no entendemos el
0:17esta este intento de acoso,
0:18de este intento de
0:22decir que hemos hecho coacción
0:23porque es absolutamente falso.

Piden penes d'ente seis meses y tres años a cinco activistes climáticos

Decenes de militantes d'organizaciones polítiques, sindicales y ecoloxistes sumáronse esti xueves a la concentración de sofitu a los cinco activistes medioambientales que'l pasáu 18 de mayu cortaron dos hores los accesos a la siderúrxica d'ArcelorMittal, en Veriña, en protesta poles subvenciones públiques a empreses qu'usen combustible fósil,

Representantes d'Amnistía Internacional, Ecoloxistes n'Acción, Izquierda Xunida, Sumar, Podemos, CSI, y Soldepaz, ente otros colectivos, participaron na concentración convocada pol Grupu Rebelión o Estinción frente al Palaciu de Xusticia de Xixón, onde'l primeru de los investigaos por un delitu de coacciones declaró nel Xulgáu d'instrucción 2.

Gabriel Menéndez, que foi'l primeru en declarar mientres el restu de los investigaos tán citaos pa los próximos díes, dixo a los medios de comunicación que considera “una inxusticia” que s'abra un procesu por una protesta “lexítima” que tenía'l propósitu de denunciar la "complicidá” de les alministraciones qu'apurren dineru público a empreses que contaminen.