Estudiu precursor del IPLA y l'HUCA sobre l'alerxa a les proteínes de la llehe en menores
![Estudio pionero del IPLA y el HUCA sobre la alergia a las proteínas de la leche en menores](https://www.rtpa.es/fotos//21/10/20211016085502_RTPA1324323.jpg)
Analicen los escrementos de neños sanos y diagnosticaos con un siguimientu d'años
L’alerxa a les proteínes de la lleche de vaca ye la más común nel primer añu de vida de los ñácaros. Ente’l 1% y el 3% los pequeños tán diagnosticaos. El problema ye que nun siempres ye fácil dar cola alerxa.
L’estudiu impulsáu va un añu pol Institutu de Productos Lácteos, l’IPLA y pol HUCA, cola financiación del Ministeriu de Ciencia, céntrase n’identificar biomarcadores nos escrementos que dexen el diagnósticu d’estes alerxes retardaes.
Cunten con un grupu de control de 25 pequeños sanos y otru de 30 diagnosticaos. A toos van face-yos un siguimientu dos años. A pesar de que l’estudiu ta entamando los investigadores ven yá diferencies.
El proyectu 'Micro allergy milk', nel que tamién collaboren dos centros de salú y los hospitales de Cabueñes y San Agustín, abre la puerta al desendolcu d’alimentos personalizaos, a los que se-yos sacaría la proteína que causa l’alerxa, calteniendo’l restu de nutrientes.
Otra vía a esplorar a mediu plazu sedría afinar entá más el diagnósticu desendolcando una tecnoloxía que dexa identificar qué proteína concreta ye la que causa l’alerxa