Fasad aplica les nueves tecnoloxíes pa meyorar la vida de los sos usuarios

'Factoría d'inclusividá' tien como oxetivu desendolcar la capacidá creativa pal inxerimientu de persones con discapacidá y dependencia

Fasad aplicó les nueves tecnoloxíes pa meyorar la vida de los sos usuarios. La Fundación Asturiana d’Atención y Protección a Persones con Discapacidaes y Dependencies remató la primer fase del proyectu 'Factoría d’inclusividá', que tien como oxetivu desendolcar la capacidá creativa pal inxerimientu d’esti colectivu.

Trabayaron tres tipos de tecnoloxíes: la impresión en 3D de productos de sofitu y alimentos, la realidá virtual pa facilitar la creación d’ambientes tranquilos y antiestrés, y la comunicación audiovisual mediante la creación de programes de radio y curtiumetraxes apunten Gonzalo González, xerente de Fasad y Armando del Campo, cuidador del Centru d’Adultos L’Arboleya - Fasad.

Diseñaron y desendolcaron toa triba d’oxetos útiles pa ellos, como abrellates, soportes, caxetinos o esta mascota. L’oxetivu ye que los propios usuarios desendolquen la so creatividá señala Enrique R. Nuño, director Xeneral de Promoción d’Autonomía Personal y Mayores.

Participaron 200 persones con discapacidá intelectual y un centenar de profesionales. Dempués del diseñu, agora entamará una segunda fase col usu d’esos productos.