Rematen les obres de la fase 1 del polígonu industrial de Bobes

Fáenlo yá con un 25% de parceles reservaes

La Sociedá Mista de Xestión y Promoción del Suelu (Soxepsa) va sacar al mercáu 295.507 metros cuadraos nel polígonu industrial de Bobes, en Siero, tres rematar la urbanización de la fase 1 . Failo yá con un 25% de parceles reservaes

Esta fase, qu'inclúi zones verdes, equipamientos y rede viaria, correspuéndese con un área bruta d'actuación de 527.164 metros cuadraos, la metá del parque empresarial, y ta asitiada alredor de la gran glorieta central que xune la carretera AS-17 y l'autopista A-64, al altor de Bobes.

El conseyeru d'Alministración Autonómica, Mediu Ambiente y Cambéu Climáticu y presidente el conseyu d'alministración de Soxepsa, Juan Cofiño, visitó esti vienres l'actuación realizada, que supunxo una inversión n'obres de casi ocho millones, y destacó que'l polígonu va facer posible la puesta en marcha d'infraestructures "de gran relevancia pa Siero".