Fuelga na Escuela d'Arte pa forzar el cese de la directora

El profesoráu en fuelga sollerta de nueves protestes

El profesoráu de la Escuela Cimera d'Arte d'Asturies (Esapa) secundó esti llunes de forma mayoritaria la fuelga convocada por CCOO pa pidir el cese de l'actual directora del centru pola so actitú “despótica” y alvirtió de que va recurrir a más acciones de protesta, si nun hai una solución al problema.

Los güelguistes convocaron una concentración na sede de la Esapa del Palaciu de Camposagráu a la que fueron sesenta persones, tamién dellos alumnos, d'un claustru iguáu por 44 docentes, y lleeron un comunicáu nel que culparon al Serviciu d'Inspección de ser cómpliz de la situación.

La vocera de los concentraos, Cristina Fernández, amosó'l desalcuerdu cola decisión de caltener a la directora nel puestu nel arranque del cursu lectivu, “porque vuelve aniciar un clima de tensión y descontentu” ente'l claustru docente y el personal llaboral de les dos sedes de la Escuela.