Xixón desbloquia les torgues urbanístiques del proyectu pal hotel de cinco estrelles
En castellano
Gijón desbloquea las trabas urbanísticas del proyecto para el hotel de cinco estrellas
Va tar nel antiguu edificiu de l'Autoridá Portuaria y va suponer una inversión superior a los 20 millones d'euros
El Gobiernu municipal anunció que se desbloquiaron les torgues urbanístiques del proyectu pa que l'hotel de cinco estrelles previstu nel antiguu edificiu de l'Autoridá Portuaria seya una realidá bien llueu. Ye una inversión superior a los 20 millones d'euros y podría tar acabáu primero qu'acabe'l mandatu.
Va ser el primer hotel de cinco estrelles col que cunte la ciudá. Va cuntar con 120 habitaciones y un aparcamientu soterrañu propiu con unes 95 places. Va allugase nel edificiu de l'antigua sede de l'Autoridá Portuaria de Xixón, en Cimavilla.
El conxuntu va incluyir l'actual edificiu de sanidá esterior, que va ser valtáu, y la torre de control, que va tener formatu d'apartahotel. El proyectu yá recibiera'l preste de Cultura, pero llevaba meses paralizáu. Agora desblóquiase la so tramitación. Pa ello va ser necesario modificar el Plan Xeneral d'Ordenación, el catálogu urbanísticu y el plan especial de reforma interior de Cimavilla.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL