Xixón robla la cesión d'usu de la capiya de San Esteban per 40 años

Moriyón destaca "l'esfuerzu" del Conceyu, la Compañía de Xesús y el Club Rotario de Xixón

L'alcaldesa de Xixón, Carmen Moriyón, robló esti llunes la cesión d'usu de la Capiya de San Esteban cola Compañía de Xesús per 40 años.

Moriyón destacó que se trata d'un actu "tremendamente importante" pa Xixón, Asturies y los vecinos d'El Natahoyo, yá que remata un esfuerzu colectivu "de va munchos años" por recuperar esti inmueble de 1648.

L'alcaldesa punxo en valir "l'esfuerzu" del Conceyu, la Compañía de Xesús y el Club Rotario de Xixón pa que les pieces del "puzle" encaxaren.

Moriyón resaltó que la Compañía de Xesús dexa la capiya y la redolada allugada na Fundación Revillaxixéu per cuatro décades y, nesti sen, indicó que'l Club Rotario va encargase de liderar con fondos captaos la rehabilitación del edificiu.

El Conceyu, por aciu d'una partida presupuestaria conseñada pa 2024, va ocupase de la urbanización de la redolada y caltenimientu del mesmu.

Moriyón afitó que l'equipamientu va ser un espaciu cultural "abiertu a la ciudadanía", que va sirvir pa dinamizar la zona.