Gozón, últimu conceyu en sumase a la web Playes d'Asturies

Un total de 16 arenales ya controlen l'aforu dende esta plataforma

La startup asturiana, Táctica TIC, creadora de la plataforma Playes d'Asturies que mide los aforos nes playes, instaló esti fin de selmana cuatro cámares más en dellos arenales de la rexón.

Pa la medición d'aforos usa una tecnoloxía novedosa que tamién tán aplicando dientro de dalgunos sectores industriales.

Dos d'eses cámares vímosles güei na playa de Lluanco.

Controlar los aforos de les playes ye unu de los temes que más esmolez a los ayuntamientos esti branu.

Con tres años de vida, la startup yá aplica la intelixencia artificial dientro de la industria.