Gozón xuniráse\'l vienres a los conceyos con pieslle perimetral

Hosteleros y comerciantes notarán les midíes sobre manera nel fin de semana

Gozón xuniráse dende’l vienres a los conceyos asturianos con pieslle perimetral. La conseyería de Salú treslladó al consistoriu gozoniegu la necesidá d’aplicar nueves midíes, porque tien una incidencia media nos últimos 13 díes de 416 casos por 100.000 habitantes.

Unos datos que yá facíen sospechar a los vecinos que sedríen los siguientes en zarrar les sos llendes. Una midida qu’aseguren nun-yos afectará nel día a día, pero que la van notar muncho los fines de selmana.

Práctiques responsables son les que, dende l’Ayuntamientu de Gozón piden a los sos vecinos. Pa la protección individual y el cuidáu de la población de riesgu, que nes zones rurales del conceyu ye mui grande.

La falta de visitantes d’otros conceyos los fines de selmana sedrá, pa hosteleros y comerciantes, la gran diferencia.

Ente la resignación y la responsabilidá individual y coles cais yá cuasi vacíes, esperen los vecinos de Gozón la medianueche del xueves, cuando entrará en vigor el pieslle perimetral del conceyu.