Cansanciu por un nuevu retrasu nes obres del soterramientu de Llangréu

Los vecinos alvierten que se van zarrar nel Conceyu, de nun ser escuchaos

Cansanciu ente los vecinos de Llangréu énte lo qu'entienden ye un nuevu retrasu nes obres del soterramientu. Reclamen al Conceyu que faiga públicu l'informe que compara la propuesta del Principáu coles demandes de la corporación municipal pa la urbanización de la redolada, y alvierten que de nun ser escuchaos van zarrase nel consistoriu.

El retrasu nel reiniciu de les obres del soterramientu de Llangréu ta acabando coles esperances de los vecinos, qu'antemanen un nuevu retrasu nos trabayos.

Reclamen dixebrar el proyectu del soterramientu de la eliminación de la sablera de víes de Sotrondio y la electrificación de la llinia, y atribuyen el zarru cuasi siete meses de la llinia Xixón-Llaviana por renovación de la vía cola intención de clausurala dafechu.

Los vecinos llamenten la falta d'información que reciben del Conceyu y reclamen que'l plan especial del barriu de La Puente se tramite en paralelo al soterramientu.

Acusen al consistoriu d'esconder un informe que, aseguren, amuesa les faltes del proyectu d'urbanización del Principáu; y planteguen que la parcela que dixebra'l barriu del restu de La Felguera se vuelva un parque.

Reclamen mayor participación de la ciudadanía y alvierten que de nun ser escuchaos van zarrase nel Conceyu.