Homenaxe a Gaspar García Laviana nel 40 aniversariu del so fallecimientu

El dibuxante Ruma Barbero rescata la memoria del cura guerrilleru nun cómic

Güei cúmplense 40 años de la muerte de Gaspar García Laviana en Nicaragua. El cura guerrilleru morrió combatiendo'l réxime de Somoza colos sandinistes.

Nel país centroamericanu van rindi-y homenaxe y, na so Asturies natal, recuerdase, ente otres coses, con un cómic sobro la so vida. Ruma Barbero, por encargu del comité de solidaridá con América Llatina, rescata la so memoria con llápiz y tinta.

Cola espublización quier recordase dalgunos de los pasaxes de la vida d'un personaxe quiciabes poco conocíu na so tierra.

Unes viñetes pa perpetuar la memoria d'un cura y guerrilleru que s'alzó frente a la desigualdá y les inxusticies, poco conocíu n'Asturies más allá de que noma delles cais.

El 11 d'avientu de 1978, lluchando nel frente sandinista, morrió en combate a la edá de 37 años. Tou un exemplu de valores a quien se-y va rindir tamién homenaxe en Nicaragua.