Homenaxe en Turón a les víctimes del franquismu y reivindicación de la llei de Memoria

Galardonaos Avelino Pérez y la Federación d'Asociaciones de Memoria Histórica de Murcia

El Pozu Fortuna, en Turón, foi l'escenariu güei del actu d'homenaxe a les víctimes de la represión franquista. Avelino Pérez y la Federación d'Asociaciones de Memoria Histórica de Murcia, recibieron les distinciones d'anguaño.

Avelino Pérez, militante socialista, ex-mineru y diputáu nes Cortes Xenerales tres les primeres elecciones democrátiques, recibió'l premiu Pozu Fortuna, pola so llucha pola llibertá na dictadura.

La Federación d'Asociaciones de Memoria Histórica de Murcia, galardonada na categoría esterior, reivindicó la necesidá de dar un mayor impulsu a la futura llei de Memoria Democrática.