Ignacio Villaverde, escoyíu rector de la Universidá d'Uviéu

El catedráticu de Derechu Constitucional algamó'l 52,45% de los votos

El catedráticu de Derechu Constitucional, Ignacio Villaverde, foi escoyíu esti vienres nuevo rector de la Universidá d’Uviéu pa los cuatro años vinientes nunes elecciones celebraes per primer vegada de manera telemática, nes qu’algamó’l 52,45% de los votos.

El so oponente, l’actual rector de la institución académica, Santiago García Granda, algamó’l 47,5 de los apoyos nunos comicios nos que participaron 4.889 persones de les cuasi 24.000 que taben llamaes a votar.