Intercambiu d'esperiencia nel 'Mentoring Internacional 2021'

Conecta a estudiantes d'últimu añu d'universidá con profesionales referentes nel so sector

Esti mediudía tuvo llugar n'Uviéu la entrega de diplomes a los 63 estudiantes que participaron nel programa 'Mentoring Internacional 2021'.

La iniciativa, puesta en marcha pola asociación Compromisu Asturies XXI, conecta a estudiantes d'últimu añu d'universidá con profesionales que son referentes nel so sector.

Estos mentores allanen el tránsitu escontra'l mercáu llaboral facilitando, por casu, contactos y la busca de práctiques. De los 11 mozos participantes nel primer programa pasóse a los 63 d'esti decimotercer añu.

La mayoría vienen de les árees del Derechu, la Economía y les inxenieríes, anque cada vez s'incorporen más d'humanidaes.

TPA Noticies faló con dos participantes pa conocer en primer persona qué-yos apurrió a dambos la esperiencia.