Jimena y Alfredo dan clases de español a estranxeros en Somiedu

Más de 250 alumnos ficieron cursos d’inxerimientu llingüísticu nel conceyu

Unos 220 kilómetros separten a La Peral, en Somiedu, de Palencia, la ciudá dende la que salieron Jimena y Alfredo. Buscaben un sitiu propiu al que poder volver cuando nun taben n’Irlanda, onde vivíen naquella dómina.

Radical o escepcional son dalgunos de los términos qu’usa esta pareya pa referise a La Peral, anque tamién destaquen la hospitalidá de los sos vecinos.

Lo que diba ser el so refuxu ocasional, convirtióse na so casa va yá 13 años y entamaron a facer lo mesmo a lo que se dedicaben n’Irlanda, a dar clases d’español a estranxeros.

Desde entós, más de 250 alumnos d’abondes nacionalidaes ficieron cursos d’inxerimientullingüísticu en Somiedu.

Sicasí, por pone-y un pero a esti requexu, reconocen que les telecomunicaciones son mui deficitaries.

Anque ye difícil saber que pasará a llargu plazu, enagora, Jimena y Alfredo apuesten por siguir en La Peral dando clases, nel so paraísu particular, a cuasi 1.300 metros d’altura.