Jorge Vargas y Moisés Martínez, ganadores del Concursu d'Escanciáu de Nava

El concursu compartió protagonismu cola comida na cai que sumó más de 850 persones

L'ecuatorianu Jorge Vargas na categoría xeneral y el navetu Moisés Martínez na local, son los vencedores del Concursu d'Escanciáu qu'acoyó esti domingu Nava. Compartió protagonismu cola comida na cai que sumó más de 850 persones.

Con 15 años d'esperiencia nel oficiu, Jorge Vargas consiguió la so primer victoria en Nava y tamién la sidrería na que trabaya, 'La Montera Picona de Ramón', un premiu de nueva creación.

Otres cares conocíes como Salvador Ondó y Wilkin Aquiles quedaron a perpocos puntos de ganar.

Tamién s'estrenó nel primer puestu en casa Moisés Martínez.

El concursu compartió protagonismu cola comida na cai, na que bollos, empanaes, tortielles y embutíos fueron les opciones estrella.

Dende 1969, esta Fiesta d'Interés Turísticu Nacional vuelve asitiar a Nava como epicentru de la cultura sidrera.