Webcams
Buscar
José Manuel Lozano sedrá'l nuevu alcalde de Sotu'l Barcu
L'equipu de gobiernu tomó la decisión por unanimidá
José Manuel Lozano sedrá’l nuevu alcalde de Sotu’l Barcu dempués de la muerte del anterior rexidor, Jaime Pérez Lorente, "Jimi".
L’equipu de gobiernu del Partido Independiente de Soto del Barco decidió ayeri por unanimidá proponer a Lozano, qu’hasta agora yera’l primer teniente d’alcalde.
La decisión llevaráse mañana al plenu municipal. Dende mayu, l’ayuntamientu sotubarquense ta compuestu por ocho ediles del Partido Independiente, dos del PSOE y ún de la xunta d’electores San Juan de la Arena Sí.
Comparte
