L'Asociación Fraternidad de Castropol, exemplu d'inclusión

Per primer vegada unu de los sos usuarios va formar parte de la Xunta Directiva

Pue dicise qu'Antonio García ye un pioneru en 'Fraternidad'. Esti naviegu, de 31 años y usuariu dende fai siete del CAI que l'asociación tien en Villamil, ye la primer persona con discapacidá intelectual en formar parte de la so Xunta Directiva.

Tres asumir el so puestu como vocal Antonio convirtióse nel décimu directivu. El so estrenu tuvo llugar esta mañana na celebración de l'asamblea añal de l'asociación

La suya va ser la voz que represente a los cien usuarios de Fraternidad. Na so cabeza, una idea percima de toes: que la so voz y la de los sos compañeros se tenga en cuenta. Un pasu más na misión integradora y inclusiva nos 42 años d'hestoria de l'asociación asegura Lucía F. Cascudo, coordinadora de l'Asociación Fraternidad

La so primer decisión, aprobar l'actualización de los estatutos p'adaptase a l'actualidá. Nuevos tiempos pa una entidá clave pa munches families del occidente.