L'acuíferu del Aramo con menos agua de lo qu'indiquen les midíes

Dende facía 35 años nun había un estudiu asemeyáu de la zona

Unos 5000 llitros per segundu. Esti ye'l caudal d'agua que sal del acuíferu del Aramo, tres vegaes menos del que se taba rexistrando hasta agora. Dende l'añu 82 nun se facía nengún estudiu similar na zona y ye importante porque abastez aproximadamente al 30 por cientu de la población d'Asturies.

Ye una de les conclusiones d'una investigación d'un alumnu de doctoráu de la Universidá de Lleón. Ta garrando datos y información sobro la hidroloxía del Valle de Riosa. Otra de les conclusiones a les que llegó ye que l'acuíferu recárgase en gran parte na provincia de Lleón. Quéden-y dos años per delantre d'investigación y seguro que va ser determinante a la hora de xenerar estratexes sobro los recursos naturales.

L'estudiu sofítase nel análisis de los cuatro estaciones meteorolóxiques allugaes na zona a distintes cotes. Recueyen temperatura, presión, humedá relativa, agua y dirección y velocidá del vientu. L'oxetivu ye remanar información veraz de la pluviosidá nel conceyu.

Tamién tien cuatro mididores de caudal nos afluentes d'El Ríu Riosa. L'estudiu fináncialu tou del so bolsu y espera asoleyar dellos artículos en revistes científiques internacionales.