Del llau opuestu de la lluz, a contralluz. Asina foi cómo se posicionó y, al empar, entamó la 'Asociación Fotográfica Asturias A Contraluz' (AFAC) un grupu de 12 aficionaos a la fotografía nel añu 2010.
Activos en cualquier tipu d’eventos y dispuestos a captar cualquier temática, bona parte d’ellos tienen como ritual cruzar esta ponte nel mes d’agostu, los sos reportaxes del 'Descensu Folclóricu del Nalón' son un clásicu pa los folixeros. Tamién l’archivu históricu de Llaviana, nel que lleven trabayando 10 años.
Gústa-yos tar tan cerca de les bones semeyes, que construyó hasta’l so propiu hide. Amás, tienen un estudiu equipáu a disposición de los socios, onde hai sitiu pa la solidaridá.
Los sos conocimientos compártelos en cursos, salíes o maratones fotográficos. Agora enfoquen pal so oxetivu viniente, ampliar una sede que queda pequeña pal centenar de socios actuales. Porque n’AFAC, cada vegada son más los qu’esfruten de la so pasión pola fotografía.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL